Arabako Foru Aldundia

Eusko Jaurlaritza

Vital Fundazioa

SEA – Arabako Enpresariak

Bere zerbitzu-eskaintzaren barruan, euskara sustatzeko ekintzak garatzen eta koordinatzen laguntzen du, enpresa-sektoreak hizkuntza-kudeaketan parte har dezan sustatzeko, berrikuntzaren eta aukeraren ardatz gisa.

SEA Arabako Enpresak enpresa ingurunean euskararen erabilera handitzen laguntzen du, bi bidetan lan eginez: lehena, berrikuntzak euskararen hizkuntza-kudeaketan duen garrantzia zabalduz, eta, bigarrena, kudeaketa garatzeko eta ekintza zehatzen bidez aplikatzeko hizkuntza-aholkularitza emanez.

Arabako Merkataritza eta industria Ganbara

Topalekua, enpresek behar duten informazioa, prestakuntza eta sustapena errazten duena. Bestalde, erakunde eta eragile batzuekiko osagarritasuna dugu. Etorkizuneko beharrak hautemateko lider proaktiboa da. Aniztasuna sustatzen du. Industriaren, Merkataritzaren eta Zerbitzuen interes orokorra ordezkatzen du. Bere bitartez, sortzear dauden enpresei formazioa eta aholkularitza eskaintzen die euskararen presentzia eta eskaintzaren inguruan.

Arabako Merkataritza Federazioa

AENKOMERrek Arabako merkataritzaren eta zerbitzuen sektorea hobetzeko tresnak eskaintzen ditu, bai Federazioko elkarteentzat, bai jarduera-azpisektore horietako edozein enpresarentzat.

Bere zerbitzuek Arabako merkataritzaren eta zerbitzuen sektoreko enpresen beharrak ase nahi dituzte arlo hauetan: ordezkaritza, komunikazioa eta negoziazio kolektiboa, etengabeko hobekuntza informazioaren, trebakuntzaren eta aholkularitzaren bidez, leialtasuna eta lankidetza, lan-ildo eta estrategia bereiziak garatuz jarduera-azpisektore bakoitzaren behar espezifikoetan oinarrituta. Era berean, AENKOMERek Arabako elkarteen koordinazioa eta kohesioa sustatzen du, baita merkataritza- eta hiri-ereduaren defentsa ere.

Mondragon

Mondragon Taldeak enpresen artean traktore lana egin ohi du hala berrikuntzan nola lehiakortasunean. Euskararen sustapena bi ardatz horiekin batera garatzen dihardu Taldeak. Arabako enpresen foroa sortzeko eskaera egin eta bultzatzaileetako bat izan zen. EAEko eta Nafarroako bere enpresetan euskara plana izanagatik, Arabako lurraldean bere esperientzia eskaintzeko pieza ezinbestekoa da

Laneki

Laneki elkartea Lanbide Heziketako ikastetxeen elkartea da, Lanbide Heziketan eta lan munduan euskara sustatzea helburu duena. Ildo horretatik, Laneki elkarteak hainbat egitasmo ditu abian: Lanbide Heziketarako ikasmaterialen eta lanbide-arloetako hiztegi terminologikoaren sorkuntzarako programak, LH Duala euskaraz baliabideen sorkuntzarako eta sustatzeko programak eta programei lotutako formakuntza saioak, besteak beste. Urtero, Lanbide Heziketako eta lan munduko eragileak biltzen dituen Hizkelan jardunaldia antolatzen du.

Bai Euskarari Elkartea

Bai Euskarari Elkartearen xedea da alor sozioekonomikoaren espazioak euskaraz betetzeko eragitea, komunitatea sustatuz eta tresna, baliabide zein proiektu berritzaileak eraikiz eta partekatuz. Bai Euskarari Ziurtagiria da elkartearen proiektu nagusia eta, horrez gain, arlo sozioekonomikoaren eragileen eta espazioen aktibazioan aritzen da, euskararen erabilera areagotzera bideraturiko hainbat proiekturekin (Enpresarean –enpresa eta profesionalen sarea-, Lansarean lan-ataria, Euskaragileak, Elkarrengandik Ikasiz solasaldiak, Lazarraga Sariak eta abar).