Arabako Foru Aldundiko Euskara eta Gobernu Irekiaren zuzendaritzak sustatu eta Nekazaritza Sailaren lankidetzarekin, Guardia-Arabako Errioxan zerbitzua eskaintzen hasiko da Lanabes Zerbitzu Teknikoa, Euskara Lukuak izenburupean, ABRA eta Ardoaren Ibilbidearen laguntzaz. Helburua bertako upategietan eta enpresetan euskararen erabilera areagotzea eta eragin biderkatzailea izatea da; horretarako, ABRA eta Ardoaren Ibilbidearekin eta haien bazkideekin egingo dute lan.
Lan honen guztiaren ardura izango duen AHIZE-AEK-ko aholkulariak hasiak dira egoeraren, aukeren eta beharren diagnostikoa egiten eta horretarako galdetegiak bideratzen. Horietan jasotako emaitzak oinarri, ekingo diote zerbitzua eskaintzeari.
Honako zerbitzuak eskainiko ditu Lanabesek:
- Hizkuntza aholkularitza
- Itzulpenak
- Trebakuntza
- Hizkuntza kudeaketak dituen onuren berri eman
- Praktika onak zabaldu
- Intereseko informazioa zabaltzea
Zerbitzu horiek eskaintzeko, Guardia-Arabako Errioxako hizkuntza premiak ezagutzeko lana egingo dute AHIZE-AEK-ko aholkulariek, besteak beste, ABRAren eta Ardoaren Ibilbidearen bazkide guztiei galdetegia helaraziz.
Horrez gain, ‘Ardoaren lurralderako’ euskararen erabilera areagotzeko gida sortuko dute, aipatutako elkarteen eta bertako zenbait enpresa eta eragileren laguntzaz.
