Kirola - euskaraba
Kirol Federazioekin, eskola kirolean edo kirol elkarteekin hainbat egitasmo abian jarri dira. Entrenatzaile, hezitzaile eta irakasleen prestakuntza dugu lehenengo urratsa. Horrekin batera, federazio eta elkarteen eguneroko jardunaren euskalduntzean ere urrats sakonak ematen hasiak dira.
Arabako Foru Aldundiko Euskara Kultura eta Kirol Sailak Arabako Kirol Federazioei baliabideak eskaini dizkio, besteak beste, beren erakundean Euskararen Erabilera Planak sortu eta zabaldu ditzaten. Adibidez, honako federazioetan: saskibaloia (Araski), Atletismo, Golf, Futbola, Nesken Futbola eta Tenisa.
Bestalde, Kirol Federazioetan egunean-egunean kudeadeta administratiboan eta jendaurreko arretan dabiltzan langileek euskara ikasteko on-line ikastaroetarako laguntza izaten dute.
Arabako kirol federazioekin elkarlanean, Gasteizko udalak, Arabako Euskara Zerbitzuekin batera, Euskara: Marka eta erronka izeneko topaketa antolatu zuen, non Arabako kirol arloko 70 ordezkaritik gora elkartu ziren Artiumen. Bertan, gazteei bereziki bideratutako kirol jardueretan Euskararen erabilera sustatzeko irizpideak ezarri zituzten.